Қазақстан теннис федерациясы оңтүстік астанада Almaty Arena-да 13-20 қазанда өтетін Almaty Open ATP 250 турниріне билет сату басталғанын қуана хабарлайды.
ATP 250 турнирі әлемнің 30 елінде ерлер арасында өтетін кәсіби теннис жарыстарының санатына кіреді. Аталмыш санатқа 40 турнир енеді. Онда жеңімпаз атанғандар ATP (Кәсіби теннисшілер қауымдастығы) рейтингісіне кіретін 250 ұпайға ие болады. Almaty Open ATP 250 жүлде қоры 1 млн доллардан асады.
Матчтар күндізгі және кешкі сессияда өтеді, бұл көрермендер үшін қолайлы уақытты таңдау үшін ыңғайлық болмақ.
Билет құны 3 мың теңгеден басталады.
Алда өткелі тұрған Almaty Open ауқымды спорттық шара болып қана қоймай, қатысушыларға күш-қуат үстеп, жанкүйерлерге көтеріңкі көңіл-күй сыйламақ.
Алматы Аренада кездескенше!
