Билеттерді және ақшалай қаражатты қайтару тәртібі мен шарттары

Құрметті көрермендер, билеттерді сатып алмас бұрын, қайтару ережелерімен мұқият танысып, осы ережелер шеңберінде әрекет етуіңізді сұраймыз.

Осы ереже билеттерді сатып алу және қайтарудың барлық жағдайларына, сатып алынған жерге қарамастан (topbilet.kz сайтында немесе сату нүктелерінде, егер олар болса) толық қолданылады.

Билеттерді қайтару тек сатып алынған жерде жүзеге асырылады.

Қайтаруға тек біздің сайтта сатып алынған түпнұсқа билеттер қабылданады.

Билеттерді қайтару:

Билеттерді қайтаруды рәсімдеу үшін topbilet.kz сайтында немесе мобильді қосымшада қайтару өтінімін толтыру қажет.

Қайтару өтінімін толтыру кезінде көрсету қажет:

• Тапсырыс нөмірі;
• Тапсырысты рәсімдеу кезінде көрсеткен электрондық пошта;
• Сіздің атыңыз және телефоныңыз.

Қайтару өтінімін қарау

Қолдау қызметі өтінімді 10 жұмыс күні ішінде қарайды.

Маңызды!!! Ақшалай қаражатты қайтару тек тапсырыс төленген банктік картаға жүзеге асырылады. Картаға ақша аудару мерзімі эмитент-банктің төлем операцияларын жүргізу шарттарына байланысты, әдетте бұл мерзім 3 (үш) күннен 30 (отыз) жұмыс күніне дейін созылады.

Қайтару шарттары:

Қайтару іс-шара басталғанға дейін кемінде 72 сағат (3 күн) бұрын topbilet.kz сайтында рәсімделеді.

Іс-шараға 72 сағаттан аз уақыт қалса — қайтару мүмкін емес.

Topstar technologies іс-шара өткізілгенге дейін 72 сағаттан аз уақыт қалғанда және іс-шара өткеннен кейін сайтқа келіп түскен қайтару өтінімдерін қарамау құқығын өзінде қалдырады.

Кейбір іс-шараларға билеттер қайтарылмайды. Сатып алу кезінде шарттарды мұқият тексеруіңізді сұраймыз. Бұл тариф бойынша қаражатты қайтару тек іс-шара толығымен күшін жойған жағдайда ғана жүзеге асырылады (іс-шараның ауыстырылуы немесе алаңның өзгеруі күшін жою болып табылмайды).

Промокодпен сатып алынған билет қайтарылмайды.

Қайтару кезінде банктің эквайрингін және операциялық шығындарды жабу үшін билеттің номиналды құнынан 10% ұсталады.

Билеттерді қайтару кезінде сервистік алым қайтарылмайды.

Іс-шара күшін жойған жағдайда сатып алынған билеттер үшін төленген қаражат, билеттерді сатып алу кезінде сервистік алым алынған болса, оны қоса есептегенде 100% толық қайтарылады.

Іс-шара басқа күнге немесе басқа жерге ауыстырылған жағдайда, сатып алушы ауыстыру туралы ақпарат алғаннан кейін 72 сағаттан кешіктірмей осы іс-шараға арналған билеттерді қайтару өтінімін рәсімдеуге құқылы. Бұл жағдайда билет сатып алу кезінде сервистік алым алынған болса, оны шегеріп тастап, билеттің құны қайтарылады.

Іс-шара 6 айдан астам мерзімге ауыстырылған жағдайда, сатып алушы сатып алынған билеттер үшін төленген қаражатты, билеттерді сатып алу кезінде сервистік алым алынған болса, оны қоса есептегенде 100% толық қайтарып алуға құқылы.

Өз бастамасымен (ойын өзгерді, іссапар, ақша қажет, т.б.) сатып алынған билеттерді іс-шара басталғанға дейін 72 сағаттан кешіктірмей қайтарған жағдайда 10% комиссия алынады (тек қайтарымды тарифтер үшін).

Іс-шара ұйымдастырушыларына қызмет көрсету шарты шеңберінде өз міндеттемелерін тиісінше орындау мақсатында «Topstar Technologies» ЖШС көрерменнің өз құқықтарын теріс пайдаланған жағдайларда, сондай-ақ осы Офертаның шарттарын билеттерді сатып алу кезінде бұзған жағдайда, Көрерменге ақшалай қаражатты қайтаруден бас тарту құқығын өзінде қалдырады.

topbilet.kz сайтында билет (билеттер) сатып алу немесе қайтаруды жүзеге асыра отырып, Көрермен билеттер мен ақшалай қаражатты қайтарудың тәртібі мен шарттары өзіне толық көлемде жеткізілгенін, олармен таныс екенін және түсінетінін растайды және келісімін береді.